प्रतिनिधी / शाहुवाडी
खुटाळवाडी ता.शाहूवाडी येथील ४७ वर्षीय कोरोना पॉझिटिव्ह आलेल्या खासगी डॉक्टरच्या प्रत्यक्ष संपर्कात आलेल्या ३५ जणांना तालुका आरोग्य विभागाने क्वारंटाईन केले आहे.
बांबवडेतील एका खासगी हॉस्पीटल व स्वतःच्या ओ.पी.डी. ते कार्यरत होते. आज प्रशासनाने त्यांच्या प्रत्यक्ष संपर्कात आलेले कुटूंबातील व्यक्ती,बांबवडे हॉस्पीटल मधील त्यांचे सहकारी,उपचार केलेले रूग्ण आदी ३५ जणांना क्वारंटाईन केले आहे.त्यांचे स्वॅब घेण्यात येणार आहेत. गेल्या पंधरा दिवसात या डॉक्टर च्या संपर्कात आलेल्या व्यक्तींनी स्वतः पुढे येऊन तपासणी करून घ्यावी.असे आवाहन तालुका गटविकास अधिकारी अनिल वाघमारे व वैद्यकीय अधिकारी एच.आर.निरंकारी यांनी केले आहे.
