शास्त्री नगर महिला मंडळातर्फे हळदीकुंकू समारंभ

बेळगाव : शास्त्री नगर महिला मंडळातर्फे हळदीकुंकू समारंभ व सावित्रीबाई फुले जयंती साजरी करण्यात आली. अध्यक्षा भारती नेगिनहाळ यांनी सदस्यांचे स्वागत केले. सावित्रीबाई फुले यांच्या प्रतिमेला पुष्पहार अर्पण करून कार्यक्रमाला सुरुवात केली. गतवषी घेतलेल्या स्पर्धांचे पारितोषिक वितरण यावेळी करण्यात आले. संगीता जोशी यांनी सावित्रीबाई फुले यांची जीवनशैली वाचून दाखविली. नंदिनी दामले यांनी कवितेचे वाचन केले. रेखा पाटील यांनी आभार मानले. यावेळी शीतल आजगावकर, शोभा डोंगरे, सुरेखा यलजी, पूजा कित्तूर व मंडळाच्या  सदस्या उपस्थित होत्या.