जिल्हा ग्रामीण ओबीसी कार्यकारिणीत ग्वाही
प्रतिनिधी /बेळगाव
संघटना बांधणीबरोबरच शासकीय योजनांची माहिती तळागाळात पोहोचवून योजनांचा लाभ सर्वसामान्यांना मिळावा यासाठी प्रयत्न करणार, असे प्रतिपादन राज्य ओबीसी मोर्चाचे सचिव किरण जाधव यांनी केले.
भारतीय जनता पक्ष बेळगाव ग्रामीण जिल्हा मागासवर्गीय कार्यकारिणीची सभा बेळगाव ग्रामीण जिल्हा पक्ष कार्यालयात नुकतीच झाली. या सभेला भाजपा जिल्हाध्यक्ष आणि माजी आमदार संजय पाटील, ओबीसी मोर्चा जिल्हाध्यक्ष बसवराज मळेदवर, राज्य मुख्य सचिव विवेकानंद डब्बी, सतीश शेजवाडकर, भाजप जिल्हा मुख्य सचिव सुभाष पाटील, संदीप देशपांडे, महेश मोहिते, गुरु मेटगुड यासह अन्य पदाधिकारी उपस्थित होते. यावेळी मान्यवरांनी विचार मांडले. याप्रसंगी ओबीसी मोर्चाचे अन्य पदाधिकारी, कार्यकारिणी सदस्य, मंडळ अध्यक्ष, मुख्य सचिव उपस्थित होते. जिल्हा मुख्य सचिव इराणा बडिगेर यांनी स्वागत केले. ओबीसी मोर्चाचे जिल्हा उपाध्यक्ष संतोष हडपद यांनी कार्यक्रमाचे सूत्रसंचालन केले. उमेश पुरी यांनी आभार मानले.
