बागणी/प्रतिनिधी
जम्मू-काश्मीरमधील शोपियां जिल्ह्यातील झेनपुरा येथे १९ रोजी आतंकवाद्यांच्या शोध मोहिमेदरम्यान झालेल्या चकमकीत वाळवा तालुक्यातील शिगाव येथील रोमित तानाजी चव्हाण, वय वर्षे २३ यांना वीरमरण आले सोमवारी सकाळी त्यांच्या मूळ गावी पार्थिवावर अंत्यसंस्कार करण्यात आले.
हुतात्मा रोमित चव्हाण अमर रहे, भारत माता की जय, पाकिस्तान मुर्दाबाद, जय जवान जय किसन अशा घोषणांनी वारणा काठ दुमदुमला होता. रोमित यांचे पार्थिव पुणे येथून इस्लामपूर येथे आणण्यात आले होते ते सोमवारी सकाळी ६ वा पार्थिव आणण्यात आले. घरच्या लोकांनी पार्थिवाचे दर्शन घेण्यासाठी अर्धा तास घरी पार्थिव ठेवण्यात आले होते. त्यांनतर गावातील प्रमुख मार्गांवरून अंत्ययात्रा नदी काठावर पोहचली या ठिकाणी त्यांच्यावर शासकीय इतमामात अंत्यसंस्कार करण्यात आले. यावेळी रोमित यांना अखेरचा निरोप देण्यासाठी हजारोंचा जनसमुदाय उपस्थित होता. यावेळी त्यांना मानवंदना देण्यात आली. पालकमंत्री व सर्व प्रशासकीय अधिकारी उपस्थित होते. ग्रामपंचायत प्रशासनाने देखील चोख व्यवस्था केली होती.
