इचलकरंजी / प्रतिनिधी
शहापूर येथील विनायक हायस्कूल जवळ एका अनोळखी युवकाचा अज्ञाताने धारदार शस्त्राने निघृण खून केला. आज रात्री साडे आठ वाजण्याच्या सुमारास ही घटना घडली. घटनास्थळी अपर पोलीस अधीक्षक जयश्री गायकवाड, पोलीस उपाअधीक्षक बाबूराव महामुनी यांनी भेट दिली.
शहापूर गावच्या भरवस्तीमध्ये खून झाल्यामुळे नागरिकांमध्ये भीतीचे वातावरण आहे. इचलकरंजी शहरांमध्ये हत्यांचे सत्र सुरूच आहे. शहरांमध्ये गॅंगवॉर वाढल्याचे प्रकार गेल्या काळात दिसत आहेत. इचलकरंजी शहरालगतच्या कबनूर येथे चार दिवसापूर्वी संदीप मागाडे युवकाची धारदार शस्त्राने खून केला होती. या खुना पाठोपाठ शुक्रवारी शहापुरमध्ये एका अज्ञात युवकाचा अनोळखी मारेकऱ्यानी खून केला आहे.
