ऑनलाईन टीम / नवी दिल्ली :
देशद्रोहाच्या आरोपाखाली अटक केलेल्या शरजील इमामची चौकशी गेल्या पाच दिवसांपासून सुरु आहे. मात्र शरलीज गुन्हे शाखेच्या तपास अधिकाऱयांना उडवाउडवीची उत्तर देत आहे. या चौकशी दरम्यान पॉप्युलर प्रंट ऑफ इंडिया (पीएफआय) चे लोक शरजीलच्या संपर्कात असल्याची माहिती समोर आली आहे. मात्र हे लोक पीएफआयशी संबंधित आहेत व त्याची त्याला माहिती नाही असा दावा शरजीलने केला आहे.
दरम्यान, गुन्हे शाखेच्या अधिकाऱयांनी शरजीलच्या जवळील 10-12 लोकांना नोटीस पाठवून चौकशीसाठी बोलावलं आहे. या सर्वांची चौकशी उद्या केली जाऊ शकते. केंद्रीय अन्वेषण यंत्रणांच्या चौकशीत जमाव भडकवण्यासाठी आणि हिंसाचार पसरविण्यासाठी देशभरात उघडलेल्या पीएफआयच्या 73 बँक खात्यांमध्ये 120 कोटींची रक्कम जमा करण्यात आली आहे. म्हणूनच सीएए आणि एनआरसीच्याविरोधत हिंसा पसरवण्यामागे पीएफआयची महत्त्वाची भूमिका असल्याचं सांगण्यात येत आहे.
मिळालेल्या माहितीनुसार, जामियाप्रकरणी शरजील इमामलाही अटक केली जाऊ शकते. तपासा दरम्यान, पोलिसांना शरजीलच्या लॅपटॉपवरून असे अनेक पुरावे सापडले की त्यांनी सीएएविरूद्ध लोकांना आंदोलन करण्यास प्रोत्साहित केले. त्याच्या लॅपटॉपमधून अनेक पत्रके जप्त करण्यात आली आहेत, ज्यात सीएए आणि एनआरसीबद्दल खोटी माहिती पसरली जात आहे.
