शमिता शेट्टी आणि राकेश बापट यांचा एक महिन्यातच ब्रेकअप

बिग बॉस 15 ज्यांनी गाजवला ते म्हणजे शमिता शेट्टी आणि राकेश बापट. बिग बॉसच्या घरात राकेश शमिताच्या नात्याला सुरुवात झाली होती. दोघांच्या जोडीला प्रेक्षकांनीही प्रचंड प्रेम दिले होते. मात्र हे आता लव्ह बर्ड राहिले नसून दोघांचा ब्रेकअप झाल्याचे समोर आले आहे. दोघांचे रिलेशन महिनाभर देखील टिकू शकले नाही. दोघांमध्ये काही गोष्टींवर मतभेद झाले. सोशल मीडियावर देखील दोघांच्या ब्रेकअपच्या चर्चा रंगल्या आहे.राकेश किंवा शमिता यांच्याकडून अद्याप कोणताही खुलासा केला नाही. मराठमोळा राकेश शमिता सोबत रिलेशनमध्ये आल्यानंतर तिच्या कुटुंबासोबत फार जवळचे संबंध निर्माण केले होते. शमिताच्या बर्थ डे पार्टीला देखील राकेश दिसला होता. इतकेच नाही शिल्पा शेट्टीने देखील तिची मुलगी समीशाच्या बर्थ डेला अलिबागमध्ये पार्टीला राकेशला आमंत्रण दिले होते. शमिता शेट्टीची आई सुनंदा शेट्टीला देखील राकेश बापट जावई म्हणून आवडू लागला होता. बिग बॉस 15 मध्ये शमिता आणि राकेश यांच्यातील प्रेमाला सुरुवात झाली होती. दोघे काही दिवसांपूर्वी सिक्रेट वेकेशनला गेले होते. 2019मध्ये राकेशने पहिली पत्नी रिध्दी डोगरा सोबत घटस्फोट घेतला आहे. राकेश बापट सोबत रिलेशनमध्ये आल्यानंतर शमिता यावर्षी लग्न करेल असे सर्वांना वाटले होते मात्र त्याआधीच दोघआंचा ब्रेक अप झालाय.