शबरीमला प्रसाद घरपोच देण्याची योजना

चेन्नई : केरळमधील त्रावणकोर देवस्वम मंडळाच्या शबरीमला येथील अय्यप्पा स्वामी मंदिराचा प्रसाद भाविकांना घरपोच देण्याची योजना इंडिया पोस्टने आखली आहे. यासाठी इंडिया पोस्टने त्रावणकोर देवस्वम मंडळाशी करार केला आहे, अशी माहिती एका वृत्तनिवेदनात देण्यात आली. या योजनेनुसार भाविकांना अर्वण, तूप, हळद, कुंकू, विभूती (अंगारा) आणि अर्चना प्रसादाचे पाकीट 450 रुपयांमध्ये घरपोच देण्यात येईल. प्रसादाचे योग्यरित्या पॅकींग करून तो स्पीट पोस्टने पाठविण्यात येणार आहे.