प्रतिनिधी / पणजी
गोवा व कर्नाटकमधील सौहार्दपूर्ण संबंध सुधारण्याच्यादृष्टीने कर्नाटकचे विशेष प्रतिनिधी शंकरगौडा पाटील यांनी मुख्यमंत्री डॉ. प्रमोद सावंत यांची आल्तिनो पणजी येथे भेट घेतली. दोन्ही राज्यांच्या आर्थिक व सामाजिक विकासाविषयी यावेळी चर्चा करण्यात आली.
दोन्ही राज्यांच्या वृद्धी व विकासावर बैठकीत चर्चा झाली. दोन्ही राज्यांमधील सौहार्दपूर्ण संबंध अधिक मजबूत करण्याविषयीही चर्चा झाली. दोन्ही राज्यांमध्ये आर्थिक व सामाजिक विकासाशी संबंधित सर्व मुद्यांवरील मैत्रीपूर्ण उपायांवर मुख्यमंत्री सावंत समाधानी असल्याची माहिती शंकरगौडा पाटील यांनी दिली.
या बैठकीत म्हादई नदीशी संबंधित मुद्यांवरही चर्चा करण्यात आली. मुख्यमंत्री डॉ. प्रमोद सावंत यांच्याशी म्हादई व इतर विषयांवर झालेल्या चर्चेविषयी कर्नाटक सरकारला आपण कळवू, असे श्री. गौडापाटील यांनी सांगितले. यावेळी पाटील यांनी मुख्यमंत्र्यांचा सत्कारही केला.
