कमी डोसमध्ये देते प्रचंड इम्युनिटी
अनेक पट अधिक अँटीबॉडीज तयार करणारी लस वैज्ञानिकांनी कोविड-19 करता विकसित केली आहे. या लसीची प्राण्यांवर चाचणी झाली आहे. संशोधकांमध्ये युनिवर्सिटी ऑफ वॉशिंग्टनचे काही तज्ञही सामील आहेत. नॅनो पार्टिकलने तयार करण्यात आलेली कोरोनाची नवी लस उंदरांमध्ये कोरोनातून बरे झालेल्या लोकांपेक्षाही अनेक पट अधिक न्यूट्रलायजिंग अँटीबॉडीज निर्माण करण्यास सक्षम आहे. सेल नावाच्या जर्नलमध्ये प्रकाशित अध्ययनानुसार लसीने उंदरांमध्ये लसीचा डोस 6 पट कमी करूनही 10 पट अधिक न्यूट्रलायजिंग अँटीबॉडीजची निर्मिती केली आहे. याचबरोबर शक्तिशाली बी-पेशींचा इम्युन प्रतिसादही दाखविल्यान लस दीर्घकाळ प्रभावी ठरण्याच्या अपेक्षेला बळ मिळाले आहे.
संशोधकांनुसार एका माकडाला लस देण्यात आली असता त्याच्या शरीरात तयार अँटीबॉडीजनी कोरोना विषाणूच्या स्पाइक प्रोटीनवर अनेक बाजूंनी हल्ला केला आहे. स्पाइक प्रोटीनद्वारेच विषाणू मानवी पेशींमध्ये शिरतो. वैज्ञानिकांनुसार याचा अर्थ लस विषाणूच्या म्यूटेटेड स्ट्रेनच्या विरोधातही सुरक्षा देऊ शकते.
विषाणूची करते नक्कल
या कोरोना विषाणूच्या लसीचा मॉलिक्यूलर स्ट्रक्चर बऱयाच प्रमाणात विषाणूची नक्कल करते. याचमुळे या लसीची इम्यून रिस्पॉन्स ट्रिगर करण्याची क्षमता वाढली आहे. नॅनो पार्टिकल प्लॅटफॉर्ममुळे महामारीशी लढण्यास मदत मिळणार असल्याची अपेक्षा असल्याचे उद्गार अध्ययनकर्ते नील किंग यांनी काढले आहेत. लसीचा परवाना कुठल्याही शुल्काशिवाय देण्यास विद्यापीठ तयार आहे.
लसनिर्मितीचे स्वरुप
लसीसाठी संशोधकांनी विषाणूच्या पूर्ण स्पाइक प्रोटीनचा वापर केलेला नाही. ही लस स्पाइक प्रोटीनच्या रिसेप्टर बायंडिंग डोमेनच्या 60 टक्के हिस्स्याची नक्कल करते. वैज्ञानिकांनी ‘स्ट्रक्चर आधारित लस डिझाइन टेक्निक्स’चा वापर केल्याने ती स्वतःला असेंबल करणारी प्रोटीन तयार करू शकली, जो विषाणूप्रमाणे दिसतो. वैज्ञानिकांनी त्यानंतर लसीची सार्स-कोव-2 च्या स्पाइक प्रोटीनवर चाचणी करण्यात आली असता हे निष्कर्ष समोर आले आहेत.
