वार्ताहर / साळवण
वेतवडे ता.गगनबावडा येथील प्रतिभा आनंदा शिंदे वय- २२ या तरुणीने आज दुपारी एक वाजण्याच्या सुमारास राहत्या घरी गळफास घेऊन आत्महत्या केल्याची घटना घडली असून याबाबतची वर्दी पोलिस पाटील संजिवनी शिंदे यांनी साळवण पोलिस चौकी येथे दिली. पोलिस व घटनास्थळावरून मिळालेली अधिक माहिती अशी आई वडील शेतात गेलेले असताना प्रतिभा हीने आज दुपारी एक वाजण्याच्या राहत्या घराच्या छताला असलेल्या सिलींग हुकला ओढणी बांधून गळफास घेऊन आत्महत्या केल्याची घटना तीचा मोठा भाऊ भैरवनाथ याचा निदर्शनास आली.
घरी नातेवाईक आले असल्यामुळे नातेवाईकांना सरबत करण्यासाठी मोठा भाऊ भैरवनाथ बेडरुम मध्ये झोपलेल्या प्रतिभाला उठविण्यासाठी गेला असता बेडरूम मध्ये झोपलेली प्रतिभा हाकेला प्रतिसाद देत नसल्यामुळे व आतून कडी लावली असल्याने घराबाहेरुन खिडकीतून आत पाहिले असता प्रतिभा हीने छताच्या सिलींग हुकला ओढणी बांधून गळफास घेतल्याचे दिसून आले. आत्महत्येचे कारण अस्पष्ट असून मृतदेह शवविच्छेदनासाठी गगनबावडा ग्रामीण रुग्णालय या ठिकाणी पाठविण्यात आला आहे. प्रतिभा या बावीस वर्षी तरुणीने गळफास घेऊन आत्महत्या केली असलेबाबतचा गुन्हा गगनबावडा पोलिस ठाण्यात दाखल झाला असून अधिक तपास पोलिस नाईक संदीप घाटगे करत आहेत.
