किंग्स इलेव्हन पंजाबचा कण्&धार केएल राहुल गुरुवारी आयपीएल स्पर्धेत सर्वात वेगवान 2 हजार धावा जमवणारा पहिला भारतीय फलंदाज ठरला. आरसीबीविरुद्ध लढतीदरम्यान त्याने हा विक्रम नोंदवला. हा त्याचा आयपीएल स्पर्धेतील 60 वा डाव होता. यापूर्वी आयपीएल स्पर्धेत सर्वात वेगवान 2 हजार धावांचा भारतीय विक्रम मास्टरब्लास्टर सचिन तेंडुलकरच्या खात्यावर होता. तो केएल राहुलने येथे मोडीत काढला. आयपीएल स्पर्धेत सर्वात वेगवान 2 हजार धावा जमवणाऱया फलंदाजांच्या एकंदरीत यादीत ख्रिस गेल अव्वलस्थानी विराजमान आहे. त्याने 48 डावात हा विक्रम नोंदवला आहे. केएल राहुल गुरुवारी आरसीबीविरुद्ध फलंदाजीला उतरला, त्यावेळी भारतीय विक्रम आपल्या खात्यावर करण्यासाठी त्याला अवघ्या दोन धावांची गरज होती. राहुलने त्या लढतीत दोन बदल करताना कृष्णप्पा गौतम व ख्रिस जॉर्डन यांच्याऐवजी जिम्मी नीशम व मुरुगन अश्विन यांना संधी दिली होती. पंजाबने त्या लढतीत आरसीबीचा 97 धावांनी धुव्वा उडवला.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
