विश्व बॅडमिंटन दुहेरीत पहिल्या दहात तनिशा क्रास्टोला मानांकन

मडगाव : गोव्याची आंतरराष्ट्रीय बॅडमिंटनपटू तनिशा क्रास्टोने विश्व ज्युनियर बॅडमिंटन मानांकनातील दुहेरीत पहिल्या दहा खेळाडूंत स्थान मिळविले आहे. विश्व बॅडमिंटन महासंघाने विश्व ज्युनियर बॅडमिंटनमधील मानांकने जाहीर केली असून यात सहा भारतीय बॅडमिंटनपटूंना स्थान मिळाले आहे. तनिशा क्रास्टो आणि आदिती भट यांनी ज्युनियर मुलींच्या दुहेरीत जबरदस्त प्रगती करताना 25व्या स्थानावरून नवव्या स्थानावर झेप घेतली आहे. विश्व ज्युनियर एकेरी मानांकनात भारताच्या वरुण कपूरने दुसरे मानांकन मिळविले आहे. ज्युनियर मुलींच्या एकेरीत विश्व मानांकनमध्ये भारताची सामिया इमाद फारुकीला दुसरे, तस्नीम मीरला चौथे, त्रिझा जॉली हिला आठवे तर आदिती भटला दहावे मानांकन लाभले आहे.