वार्ताहर / शिये
शिये, जठारवाडी, व भुये (ता.करवीर) येथील तीन फिडरवर शुक्रवारी रात्री साडेबाराच्या सुमारास विद्युत दाब अचानक वाढला त्याचा फटका अनेक घरगुती विद्युत उपकरणांना बसला आहे.
शिये पैकी माळवाडी, जठारवाडीतील व भुयेतील एका फिडरवर उच्च दाब निर्माण झाला. उन्हाळ्याचे दिवस असल्याने रात्री बहुतांशी घरातील पंखे आणि फ्रिज सुरू होते. यावेळी अचानक वाढलेल्या विद्युत दाबामुळे पंखे, फ्रिज यांसारख्या विद्युत उपकरणांचे नुकसान झाले त्याचबरोबर घरातील बल्बही खराब झाले आहेत. त्यामुळे ग्रामस्थांचे हजारोंचे नुकसान झाले आहे.
