फणसू / वार्ताहर
विजांच्या कडकडासह कोसळलेल्या जोरदार पावसामुळे दापोली तालुक्यातील फणसू भंडारवाडी येथील रहिवासी वंदना शिबे यांचे घर कोसळून सुमारे तीन लाखांचे नुकसान झाले आहे.
याच दरम्यान गुणाजी उके यांच्या गोठ्याचा इमारतीचा अर्धा भाग कोसळल्या कारणाने मोठ्या प्रमाणात नुकसान झाले आहे. या दुर्घटनेत सुदैवाने कोणतीही जीवितहानी झाली नाही. घटनेची माहिती मिळताच पोलीस पाटील नितीन टेमकर व बिट अंमलदार हळदे यांनी घटनास्थळी जाऊन प्रत्यक्ष पाहणी करून प्रशासनाला या प्रकाराची माहिती दिली.
