शिवसेना तालुकाप्रमुख बाळू परब यांच्या हस्ते बोअरवेलचा शुभारंभ
आडेली / वार्ताहर
१५ व्या वित्त आयोग पं. स.सेस मधून पं. स.सदस्य तथा शिवसेना वेंगुर्ले तालुकाप्रमुख यशवंत उर्फ बाळू परब यांच्या प्रयत्नातून व १.५० लाख रुपये निधी मंजूर झालेल्या बोअरवेलचा शुभारंभ आज शुक्रवारी यशवंत उर्फ बाळू परब यांच्या हस्ते करण्यात आला.यावेळी श्री गिरेश्वर सोसायटीचे चेअरमन बाबुराव परब,शिवसेना उपजिल्हाप्रमुख बाळा दळवी, वेंगुर्ले खरेदी विक्री संघ संचालक अण्णा वजराटकर, ग्रा.पं.उपसरपंच नितीन परब, ग्रामसेवक सद्गुरु गावडे, माजी सरपंच अनंत परब, ग्रा.पं. सदस्य प्रेमानंद भोसले, विजय नळेकर, शाळा व्यवस्थापन समिती अध्यक्ष सूर्यकांत हरि परब, सदस्य शेखर परब, मुख्याध्यापक परब, शिक्षक तेजस बांदिवडेकर, जयंत वजराटकर, ग्रा.पं. कर्मचारी मोरे, प्रविण गावडे, दिगंबर पेडणेकर, सावळाराम नळेकर,मितेश परब आदींसह ग्रामस्थ उपस्थित होते.या बोअरवेलवर, पंप, पाण्याची टाकी आदी बसविण्यात येणार आहे. या शाळेच्या ठिकाणी बोअरवेल झाल्याने कायमस्वरुपी पाण्याची सोय होणार असल्याने समाधान व्यक्त करण्यात आले.
