बेळगाव : लोकसभा अध्यक्ष ओम बिर्ला हे गुरुवारी बेळगाव दौऱयावर येत आहेत. पहाटे नवी दिल्लीहून विमानाने त्यांचा दौरा सुरू होणार आहे. सकाळी 8.40 वाजता बेंगळूरला येणार आहेत. 10 वाजता सांबरा विमानतळावर त्यांचे आगमन होणार आहे.
विश्वेश्वरय्या तांत्रिक विद्यापीठाच्या पदवीदान समारंभात ते भाग घेणार आहेत. दुपारी विमानाने ते बेंगळूरला रवाना होणार आहेत. राज्यपाल थावरचंद गेहलोत व लोकसभा अध्यक्ष ओम बिर्ला आदींच्या बेळगाव दौऱयाच्या पार्श्वभूमीवर जिल्हा प्रशासनाने तयारी पूर्ण केली असून शहरात बंदोबस्त तैनात करण्यात आला आहे.
