फस्ट लूक पाठोपाठ ऑनलाइनच्या माध्यमातून लॉ ऑफ लव्हष् चित्रपटाच्या मोशन पोस्टरचेदेखील सगळय़ासोशल नेटवर्पिंग साईट्सवर अनावरण केले आहे. लॉ ऑफ लव्ह चित्रपटाचे निर्माता आणि पटकथाकार जे. उदय यांच्या या पहिल्यावहिल्या प्रयत्नाबाबत चित्रपट रसिकांमध्ये उत्सुकता निर्माण झाली आहे.
नुकतंच लॉंच झालेलं हे मोशन पोस्टर बरंच काही सांगून जातं. गुलाबी रंगाच्या बदामी आकारात एकत्रित जमा झालेली भरपूरशी फुलपाखरं अनेक प्रेमी युगुलांप्रमाणे त्यांचं निरागस प्रेम फुलवताना दिसतात. त्यांच्यावर अचानक भिरकावलेला खडा क्षणार्धात सगळं काही विखरून टाकतो आणि पाखरं जिकडे तिकडे सैरभैर उडू लागतात. प्रेमी जोडप्यांची अनेक बाबतीत समाजकंटकांकडून अशी परवड होत असली तरीही फुलपाखरांची एक जोडी नेटाने कोर्टाचं दार ठोठावते. आपलं खरं प्रेम जिंकण्यासाठी आणि शेवट पर्यंत तडीस नेण्यासाठी या जोडीचा प्रयत्न लॉ ऑफ लव्ह चित्रपटाच्या मोशन पोस्टरमध्ये ठळक दिसतो. त्यांची ही व्यथा समाज आणि कायद्याच्या चौकटीत बसते का? प्रेमाला स्वत:चं अस्तित्व मिळविण्यासाठी आणि ते टिकवून ठेवण्यासाठी आजही लढा द्यावा लागत आहे का? यासारख्या अनेक गोष्टींची उकल चित्रपटात पाहायला मिळणार आहे. संपूर्ण अनलॉक झाल्यानंतर प्रेक्षकांच्या बदललेल्या चवीसाठी हा चित्रपट उत्तम पर्याय ठरणार आहे. या सिनेमात नक्की कोण कोणते कलाकार असणार आहेत, कोणत्या नव्या गोष्टी असतील ही माहिती सध्या गुलदस्त्यात आहे. याबाबत निर्माता आणि पटकथाकार जे. उदय म्हणतात, प्रेमाची नवी व्याख्या मांडणारा हा चित्रपट प्रेक्षकांना लार्जर दॅन लाईफ अनुभव देण्याचे आमचे ध्येय आहे. असा हा लॉ ऑफ लव्ह चित्रपट लवकरच प्रेक्षकांच्या भेटीला आणणार आहोत.
