नवी दिल्ली : भारताचा व्यावसायिक मुष्टीयोद्धा लालरिनसांगा लायुची विश्व मुष्टीयुद्ध मंडळाच्या युवा विश्व सुपर फेदरवेट वजनगटातील लढत 6 मार्च रोजी घानाच्या इरिक क्युयामशी मिझोरममधील ऐझवाल येथे बंदीस्त स्टेडियममध्ये होणार आहे. व्यावसायिक मुष्टीयुद्ध सर्कीटमध्ये आतापर्यंत भारताच्या 21 वर्षीय लायुने चार लढतीमध्ये एकदाही पराभव पत्करलेला नाही. त्याने दोन लढती तांत्रिक गुणांवर जिंकल्या आहेत. लायुने यापूर्वी आपली शेवटची लढत मुंबईत 30 जानेवारीला खेळली होती. 57 किलो वजन गटातील मानांकनात लायु हा सध्या 276 व्या स्थानावर आहे. मिझोरममधीलह ऐझवाल येथे 6 मार्च रोजी होणाऱया या लढतीला डब्ल्यूबीसीचे अध्यक्ष सुलेमान यांनी अधिकृत मान्यता दिली आहे. सदर लढत आठ फेऱयांची असून या लढतीतील विजेता मुष्टीयोद्धा डब्ल्यूबीसीच्या युवा विश्व सुपर फेदरवेट गटातील अजिंक्य म्हणून जाहीर करण्यात येईल.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
