ऑनलाईन टीम / मुंबई :
मुंबईतील लालबाग परिसरातील वन अविघ्न पार्क सोसायटीतील 60 मजली इमारतीच्या 19 व्या मजल्याला भीषण आग लागली आहे. आगीने उग्र रुप धारण केले असून, आगीचे लोट 25 व्या मजल्यापर्यंत पोहचले आहेत. या इमारतीत अनेक जण अडकल्याची भीती व्यक्त करण्यात आली आहे. सकाळी 11.51 च्या सुमारास ही आग लागली आहे. आगीची भीषणता पाहून लेव्हल 3 ची आग असल्याचे जाहीर करण्यात आले आहे. घटनास्थळी अग्निशमन दलाच्या 8 गाडय़ा दाखल झाल्या असून, आग विझविण्याचे शर्थीचे प्रयत्न सुरू आहेत.
