जैवविविधता दिनानिमित्त देवसू वन परिमंडळाचा उपक्रम
ओटवणे / प्रतिनिधी :-
जैवविविधता दिनानिमित्त देवसु वन परिमंडळाच्यावतीने लाकूचा अर्थात “माकड फळ” या दुर्मिळ झाडाच्या रोपांची लागवड करुन जैवविविधता दिन साजरा करण्यात आला. आंबोली विभागाचे वनक्षेत्रपाल दिगंबर जाधव यांच्या प्रमुख उपस्थितीत देवसू वनविश्राम गृहाच्या परिसरात या दुर्मिळ झाडांच्या रोपांची लागवड करण्यात आली. यावेळी देवसु वन परिमंडळाचे वनपाल सदानंद परब, वनरक्षक बाबासाहेब ढेकळे (वेर्ले), गोरख ढेरे (देवसु), हेमराज बागुल वनरक्षक (केसरी), रवींद्र शिखरे (सांगेली), शितल पाटील (शिरशिंगे) तसेच महेंद्र रेमुळकर आदी ग्रामस्थ उपस्थित होते.
