वेंगुर्ले /वार्ताहर-
वेंगुर्ले. रोटरी क्लब आँफ वेंगुर्ला मिडटाऊनचा पदग्रहण सोहळा साई मंगल डी लक्स हॉल मध्ये रोटरी डिस्ट्रिक्ट 3170 चे नॉमीनेटेड डिस्ट्रिक्ट गव्हर्नर नासिर बोरसदवाला यांच्या हस्ते नवनिर्वाचित प्रेसिडेंट प्रा.सदाशिव भेंडवडे आणि सर्व पदाधिकारी यांचे पदग्रहण करण्यात आले. यावेळी बोरसदवाला यांनी क्लब च्या कार्याचा गौरव करून क्लब च्या विकासासाठी मार्गदर्शन करून क्लब ला जी मदत लागेल ती उपलब्ध करून देण्यात येईल. या सोहळ्यास नगराध्यक्ष दिलीप गिरप, असिस्टंट गव्हर्नर रोटरी राजेश घाटवळ, रोटरी सुनील रेडकर उपस्थित होते,
यावेळी मावळते अध्यक्ष रोटरी गणेश अंधारी यांनी प्रास्ताविकात सन 2020- 21 मध्ये रोटरीच्या उपक्रमात स्थानिक स्वराज्य संस्था व विविध संस्था यांनी विशेष सहकार्य केल्याबद्दल आभार मानले.
तसेच सेक्रेटरी रो वसंतराव पाटोळे यांनी मागील वर्षी राबविलेल्या सर्व कार्यक्रमांचा सविस्तर माहिती दिली. नूतन अध्यक्ष रोटरी सदाशिव भेंडवडे यांनी यावर्षी विविध संस्थांच्या सहकार्याने कार्यक्रम राबविण्यात येतील मात्र सर्वांचे सहकार्य अपेक्षित आहे, चिपळूण येथील पुरग्रस्थाना मदत करण्यासाठी आम्ही फक्त पुढाकार घेतला मात्र पूरग्रस्तांना मदत करण्यासाठी वेंगुर्ला नगरपरिषदेतील सर्व नगरसेवक, नगरपालिका कर्मचारी, बॅ बाळासाहेब खर्डेकर महाविद्यालयातील प्राध्यापक व कर्मचारी तसेच वेंगुर्लेतील दानशूर व्यक्ती तसेच ‘वी फॉर यु’ या ग्रुपने सढळ हस्ते मदत केल्यामुळे च आम्ही कडधान्य व इतर वस्तुंच्या 100 पॅकेट्स चिपळूण पूरग्रस्तांना देऊ शकलो. याबद्दल सर्वांचे आभार मानले.
या निमित्ताने विविध क्षेत्रांमध्ये उल्लेखनीय कार्य करणाऱ्या व्यक्तींचा सन्मान चिन्ह देऊन सत्कार करण्यात आला. यात संजय गावडे, कार्मीस अलमेडा, डॉ. जयश्री चमणकर (आरोग्य व कोविड रुग्णसेवा),कु. पूजा धुरी (चित्रकला), वंडरबॉय कु. विजय तुळसकर (शिक्षण) यांना श्री. बोरसदवाला यांच्या हस्ते गौरविण्यात आले. तसेच रोटरी वसंतराव पाटोळे यांनी कातकरी समाजातील मुलगी कु काजल निकम हिला दत्तक घेऊन तिची शिक्षणाची पूर्णतः जबाबदारी स्वीकारली असून ती यावर्षी 12 वी परीक्षा उत्तीर्ण झाल्याबद्दल तिचा व रोटरी वसंतराव पाटोळे यांचा सन्मान करण्यात आला. त्याचप्रमाणे नगराध्यक्ष रोटरी दिलीप गिरप यांनी आपल्या नगराध्यक्ष पदाच्या कारकिर्दीत वेंगुर्ला शहर विकासाची कामे मार्गी लावल्याबद्दल त्यांचा शाल, श्रीफळ व सन्मानचिन्ह देऊन यथोचित सत्कार करण्यात आला. तसेच रोटरी स्थापनेपासून यंदाचं आमच्या क्लबला असिस्टंट गव्हर्नर हे पद रो राजेश घाटवळ याना मिळाल्याबद्दल त्यांचा सन्मान शाल, श्रीफळ व सन्मानचिन्ह देऊन बोरसदवाला यांच्या हस्ते गौरविण्यात आले.
यावेळी रोटरी दिलीप गिरप, असिस्टंट गव्हर्नर राजेश घाटवळ यांनी मनोगत व्यक्त केले. याकार्यक्रमाचे सूत्रसंचालन रोटरी संजय पुनाळेकर व रोटरी नितीन कुलकर्णी तर आभार रोटरी सुनील रेडकर यांनी मानले
