बेळगाव : रोटरी क्लब ऑफ वेणुग्रामच्यावतीने आत्मनिर्भर योजनेंतर्गत 40 गरजू महिलांना शिलाई मशीनचे वितरण करण्यात आले. मंगळवारी सकाळी महावीर भवन येथे हा कार्यक्रम झाला. याप्रसंगी रोटरी क्लबचे प्रांतपाल संग्राम पाटील, क्लबचे पदाधिकारी अशोक काडापुरे, डॉ. जगत शंकरगौडा, सुनील ताडनी, अशोक कटारिया, पंकज पवार, अजय हेडा उपस्थित होते. यावेळी बोलताना संग्राम पाटील म्हणाले, महिला सबलीकरण हे क्लबचे मुख्य ध्येय आहे. सध्या कोरोनामुळे अनेकांचा रोजगार गेला असून, घर चालविणे कठीण झाले आहे. अशावेळी महिला शिलाईच्या माध्यमातून अर्थार्जन करून स्वावलंबी होऊ शकतात. या हेतूने महिलांना शिलाई मशीन देण्यात आल्या आहेत. रोटरी क्लब वेणुग्रामने समाजाच्या गरजा ओळखून त्यानुसार मदत केली आहे. त्यामुळे क्लबने जनतेचा विश्वास आणि जिव्हाळा संपादन केला आहे, असेही ते म्हणाले. याप्रसंगी क्लबचे सदस्य उपस्थित होते. संगीता कटारिया यांनी स्वागतगीत सादर केले. सुई आणि धागा ही रोटरीची योजना असल्याची यावेळी माहिती दिली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
