प्रतिनिधी/शिराळा
देववाडी ता. शिराळा येथील विवाहिता रूपाली खोत हिच्या मृत्यूस कारणीभूत असलेल्या संशयित आरोपी धनाजी खोत यास कठोरात कठोर शासन व्हावे. या मागणीसाठी देववाडी ग्रामस्थांच्यावतीने शिराळा तहसील कार्यालयावर निषेध मोर्चा काढण्यात आला. तहसील कार्यालय येथे मोर्चाचे रूपांतर सभेत झाले. या मोर्चास सर्वपक्षीय नेत्यांनी पाठिंबा दिला.
यावेळी आमदार मानसिंगराव नाईक म्हणाले, शक्ती कायद्यांतर्गत आरोपीला शिक्षा होईलच पण तपास कामासाठी पोलिसांना लोकांनी संयम पाळून सहकार्य करावे असे मत व्यक्त केले.
