प्रादेशिक परिवहन अधिकाऱ्यांना निवेदन
प्रतिनिधी / मिरज
कोरोनाच्या पार्श्वभूमीवरील लॉकडाऊनमुळे सर्वसामान्य नागरिकांसोबत रिक्षा चालक व्यवसायिकांचेही कंबरडे मोडले आहे. अद्यापही परिस्थिती पूर्वपदावर आली नाही. त्यामुळे सांगली, कोल्हापूर आणि सातारा जिह्यातील परमिट धारक रिक्षा चालकांना एक वर्षांची फिटनेस मुदत वाढवून द्यावी, अशी मागणी सांगली जिल्हा प्रवासी वाहतूक रिक्षा संघटनेच्यावतीने करण्यात आली आहे.
रिक्षाची वैद्य कागदपत्रे व फिटनेस तपासणीसाठी 31 डिसेंबर 2021 अशी वर्ष अखेर मुदतवाढ मिळावी. तसेच मोटर वाहन संवर्गातील ऑटो रिक्षा वाहनाच्या वाढीव नोंदणी शुल्क व फिटनेस विलंबास दररोज 50 रुपये दंड आकारू नये, अशी मागणीही या निवेदनातून करण्यात आली आहे.
