ऑनलाईन टीम / वॉशिंग्टन :
अमेरिकेत नोव्हेंबरमध्ये होणाऱ्या राष्ट्राध्यक्ष पदाच्या निवडणुकीसाठी रिपब्लिकन पक्षाकडून डोनाल्ड ट्रम्प यांची अधिकृत घोषणा करण्यात आली. तर उपराष्ट्राध्यक्ष पदासाठी माईक पेन्स यांच्या नावाची घोषणा करण्यात आली आहे.
अमेरिकेत राष्ट्राध्यक्ष पदासाठी 3 नोव्हेंबरला निवडणूक होत आहे. राष्ट्राध्यक्ष पदासाठी ट्रम्प यांच्या विरोधात डेमोक्रेटिक पक्षाचे जो बायडेन तर उपराष्ट्राध्यक्ष पदासाठी माईक पेन्स यांच्या विरोधात भारतीय वंशाच्या कमला हॅरिस रिंगणात आहेत.
रिपब्लिकन पक्षाने राष्ट्राध्यक्षपदाच्या उमेदवार निवडीसाठी सोमवारी अधिवेशनाचे आयोजन केले होते. यामध्ये ट्रम्प यांना राष्ट्राध्यक्षपदाच्या दुसऱ्या कार्यकाळासाठी उमेदवार घोषित करण्यात आले
