ऑनलाईन टीम / मुंबई :
मनसे अध्यक्ष राज ठाकरे कोरोनामुक्त झाले आहेत. राज यांच्या आई कुंदा ठाकरे आणि बहिण जयवंती ठाकरे यांनी देखील कोरोनावर मात केली आहे. लीलावती रूग्णालयाचे डॉ. जलील पारकर यांनी याबाबत माहिती दिली.
राज ठाकरे यांच्यासह त्यांची आई आणि बहिण जयवंती यांना 23 ऑक्टोबरला कोरोनाची लागण झाल्याचे उघड झाले होते. त्यानंतर त्यांना वांद्रे येथील लीलावती रुग्णालयात उपचारासाठी नेण्यात आले होते. उपचारानंतर ते घरीच विलगीकरणात होते. आज राज यांची कोरोना चाचणी केली असता त्यांची चाचणी निगेटिव्ह आली. त्यांची आई आणि बहिण या देखील कोरोनामुक्त झाल्या आहेत.
