ऑनलाईन टीम / अहमदनगर :
राहुरी मतदार संघाचे लोकप्रतिनिधी आणि राज्यमंत्री प्राजक्त तनपुरे यांना कोरोनाची लागण झाली आहे. त्यांनी स्वत: याबाबत ट्वीट करत माहिती दिली.
ते आपल्या ट्विट मध्ये म्हणाले की, सतत फिल्डवर आहे, लोकांच्या संपर्कात आहे. कितीही बचाव केला तरी शेवटी काल केलेल्या कोरोना चाचणीत रिपोर्ट पॉझिटिव्ह आला आहे. तब्येत अगदी व्यवस्थित आहे, काळजी करण्याचे कारण नाही. मी स्वतः काळजी घेत आहे. आपणही स्वतःची काळजी घ्या. कोरोनाला हरवून लवकरच तुमच्या सेवेत पुन्हा रुजू होणार आहेे, असेेही त्यांनी यावेळी सांगितले.
दरम्यान, जिल्ह्यातील आरोग्य विभगाचा त्यांनी नुकताच आढावा घेऊन कोरोनावर नियंत्रण मिळवण्यासाठी त्यांनी उपाय योजना सुचवल्या होत्या.
