ऑनलाईन टीम / मॉस्को :
रशियात कोरोनाबाधितांची संख्या 11 लाखांवर पोहचली आहे. रशियात आतापर्यंत 11 लाख 03 हजार 399 जणांना कोरोनाची बाधा झाली आहे. त्यामधील 9 लाख 09 हजार 357 रुग्ण या आजारातून बरे झाले असून, त्यांना डिस्चार्ज देण्यात आला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
रशियात रविवारी 6 हजार 148 नवे कोरोना रुग्ण आढळून आले. तर 79 जणांचा मृत्यू झाला आहे. सध्या रशियात 1 लाख 74 हजार 624 रुग्णांवर उपचार सुरू आहेत. त्यामधील 2 हजार 300 रुग्णांची प्रकृती चिंताजनक आहे. तर 19 हजार 418 जणांचा मृत्यू झाला आहे.
कोरोना रुग्णवाढीच्या संख्येत रशियाचा जगात चौथा क्रमांक लागतो. रशियात आतापर्यंत 4 कोटी 28 लाख 21 हजार 891 कोरोना चाचण्या करण्यात आल्या आहेत. कोरोना रुग्णवाढीच्या संख्येत अमेरिका पहिल्या, भारत दुसऱ्या तर ब्राझील तिसऱ्या क्रमांकावर आहे. अमेरिकेत आतापर्यंत 70 लाख 04 हजार 768 कोरोनाबाधित रुग्ण आढळले आहेत. भारतात 54 लाख 87 हजार 580 तर ब्राझीलमध्ये ही संख्या 45 लाख 44 हजार 629 एवढी आहे.
