रथोत्सवावेळी फटाक्यांमुळे रामदुर्ग येथे रथाला आग

रामदुर्ग : तालुक्मयातील शिवपेठ येथे रथोत्सवावेळी फटाके लावल्याने फटाका उडून रथावर पडल्याने रथाच्या कपडय़ाला आग लागल्याची घटना घडली. तालुक्मयातील शिवपेठ येथे मंगळवार दि. 28 रोजी सायंकाळी जडीसिद्धेश्वर देवाचा रथोत्सव सुरू असताना ही घटना घडली. भाविकांकडून रथ ओढला जात असताना फटाके लावण्यात आले. त्यावेळी त्यातील एक फटाका रथाच्या कपडय़ावर पडला. यात कापडी फुलांच्या माळांना आग आगल्याने भडका उडाला. त्यानंतर प्रसंगावधान राखून भाविकांनी केळीची पाने व इतर वस्तूंनी आग विझविली. त्यामुळे कोणतीही मोठी दुर्घटना घडली नसून जीवितहानीही झाली नाही. मात्र, या घटनेमुळे भाविकांमध्ये एकच खळबळ माजली होती.