प्रतिनिधी / संगमेश्वर
संगमेश्वर तालुक्यात आज, गुरुवारी पहाटेच्या सुमारास मुसळधार पावसाने हजेरी लावली. विजांचा कडकडाट आणि ढगफुटी सदृश्य पावसामुळे आंबा आणि काजू बागायतदार चिंतेत सापडले आहेत.
पहाटे 4 ते 6 वाजण्याच्या दरम्याने अचानक पावसाला सुरुवात झाली. वीज आणि ढगांच्या गडगडामुळे परिसरात पावसाळ्या सारखे वातावरण होते. अचानक आलेल्या पावसामुळे आंबा आणि काजू बागायतदार धास्तावले आहेत. संगमेश्वर तालुक्यातील साखरपा, देवरुख, संगमेश्वर, माखजन भागासह अनेक गावांत पाऊस पडला.
