रत्नागिरी (दापोली) : कोंढे येथे अपघात; एकाचा मृत्यू, दोघे गंभीर

वार्ताहर / टाळसुरे

दापोली तालुक्यातील कोंढे फणसू फाटा येथे झालेल्या अपघातात तालुक्यातील कर्दे येथील सुयोग जाधव वय 27, रा. कर्दे याचा मृत्यू झाला. तर फणसू येथील संतोष सुर्वे 55 व शुभम सुर्वे 23 रा कोंढे हे दोघे गंभीर जखमी झाले. ही घटना शनिवारी रात्री साडेदहा वाजण्याच्या सुमारास घडली.

सुयोग जाधव त्यांची मोटरसायकल कोंढे या गावी फणसू फाट्याजवळ आली असता सुयोग याचा गाडीवरील ताबा सुटला व गाडी रस्त्याच्या बाजूला असलेल्या झाडावर जाऊन आढळली. या अपघातामध्ये सुयोग याच्या नाकाला, डोक्याला व छातीला गंभीर दुखापत झाली. गाडीवर बसलेल्या शुभम सुर्वे याच्या डोक्याला व पायाला तर संतोष सुर्वे याच्या डोक्याला गंभीर दुखापत झाली. त्यांना तत्काळ उपजिल्हा रुग्णालय दापोली येथे उपचाराकरिता दाखल करण्यात आले. वैद्यकीय अधिकाऱ्यांनी सुयोग मयत झाल्याचे घोषित केले.