प्रतिनिधी / दापोली
दापोली शहरात पेट्रोलिंग करत असताना पोलिसांना गोमास वाहतूक करणारी ओम्नी कार आढळून आली. या गाडीमध्ये तब्बल २२० किलो गोमास होते. या प्रकरणी दापोली पोलिसांनी दोघांना अटक केली आहे. अल्ताफ पेटकर (वय-48) व जुबेर खलफे (40, रा. मंडणगड) अशी या अटक केलेल्या दोघा संशयितांचा नावे आहेत. याप्रकरणी त्यांना मदत करणाऱ्या मुस्तीद खलीपे व अजमल पेटकर यांचा पोलिस शोध घेत आहेत.
याबाबत अधिक माहिती अशी की, दापोली पोलिस काल, रविवारी रात्री पेट्रोलिंग करत असताना त्यांना काळकाई कोंड परिसरात एका मारुती ओम्नी कार मध्ये दोनशे वीस किलो गोमास सापडून आले. ही गाडी मंडणगड येथील लाटवण येथून दापोलीमध्ये गोमास घेऊन आली होती. यावेळी पोलिसांनी हे गोमांस जप्त करत दोघांना अटक केली.
या प्रकरणी दापोली पोलिसांनी महाराष्ट्र प्राणी संरक्षण अधिनियम 2015 चे कलम 5 (ब), (क) 9 (अ) व मोटर वाहन कायदा कलम 3/ 118, 130, 177, 133, 194 व भादवी 429, 34, 224 प्रकरणी गुन्हा दाखल केला आहे. याचा अधिक तपास सहाय्यक पोलीस निरीक्षक पूजा हिरेमठ या करत आहेत.
