वार्ताहर / मौजे दापोली
तौक्ते चक्रीवादळानंतर पावसाने मात्र दापोलीत धुवाँधार हजेरी लावली आहे. त्यामुळे पंचनामे करताना अडथळा निर्माण होण्याची शक्यता वर्तविण्यात येत आहे. मे महिन्याच्या अर्ध्यावरून सध्या पावसाला सुरूवात झाली आहे.
यात बुधवारी मात्र पुन्हा पावसाने वीज व ढगांच्या गडगडाटासह दापोलीकरांना चांगलीच झोडपून काढल्याचे चित्र पहायला मिळत होते. यामुळे चक्रीवादळातील पंचनाम्याच्या कामांमध्ये मोठे अडथळे निर्माण झाल्याचे महसूल विभागात विभागाकडून स्पष्ट करण्यात आले.
