प्रतिनिधी/रत्नागिरी
जिल्ह्यातील काही ठिकाणी आज, मुसळधार ते अतिमुसळधार पावसाची शक्यता हवामान विभागाने वर्तवली आहे. तर 28 व 29 सप्टेंबर रोजी वादळी वाऱ्यासह मुसळधार ते अतिमुसळधार पावसाची शक्यता देखील वर्तवण्यात आली आहे.
त्यामुळे जिल्हाप्रशासनाने आपले कार्यक्षेत्रातील सर्व संबंधितांना सावधानतेचा व सुरक्षिततेचा इशारा देणेत यावा अशा सूचना दिल्या आहेत. नागरिकांनी या काळात खबरदारी घ्यावी असे आवाहन देखील करण्यात आले आहे.
बंगालच्या उपसागरात कमी दाबाचे पट्टे निर्माण झाल्याने ओडीसा, आंध्रप्रदेश याठिकाणी पावसाने दमदार हजेरी लावली आहेत. यातच गुलाब चक्रीवादळ देखील किनारपट्टीलगत भागात धडकले आहे.
