तर उपाध्यक्षपदी बाबाजी जाधव यांची एकमताने निवड
रत्नागिरी / प्रतिनिधी
रत्नागिरी जिल्हा मध्यवर्ती सहकारी बँकेच्या अध्यक्षपदी पुन्हा एकदा डॉ. तानाजी चोरगे यांची तर उपाध्यक्षपदी बाबाजी जाधव यांची एकमताने निवड झाली आहे. जिल्हा उपनिबंधक सोपान शिंदे यांच्या उपस्थितीत ही प्रक्रिया बुधवारी सकाळी झाली. अध्यक्षपदी चोरगे यांना सूचक म्हणून जयंत जालगांवकर तर अनुमोदक म्हणून सुधीर कालेकर तर उपाध्यक्षांना सुचक म्हणून शेखर निकम तर अनुमोदक म्हणून संजय रेडीज होत़े
तत्पूर्वी जिल्हा बँकेच्या नवनिर्वाचित संचालकांची बैठक घेण्यात आली. या बैठकीत अध्यक्ष व उपाध्यक्ष पदी कोण असावेत यावर चर्चा झाली. त्यावेळी अध्यक्ष पदासाठी डॉ. तानाजी चोरगे तर उपाध्यक्ष पदासाठी बाबाजी जाधव यांची नावे निश्चित करण्यात आली. दोघांच्याही नावावर सर्व संचालकांचे एकमत झाले. त्यानंतर जिल्हा उपनिबंधक सोपान शिंदे यांच्या उपस्थितीत झालेल्या सभेत या नावावर शिक्कामोर्तब करण्यात आले.
