कोल्हापूरच्या डॉ. शैलेंद्र जाधव यांच्याकडे जबाबदारी
प्रतिनिधी / रत्नागिरी
रत्नागिरी येथे शासकीय वैद्यकीय महाविद्यालय सुरु करण्यासंदर्भात आता वेगाने कार्यवाही होण्यास हिरवा कंदिल मिळाला आहे. त्यासाठी राज्याचे वैद्यकीय शिक्षणमंत्री अमित देशमुख यांनी शासकीय वैद्यकीय महाविद्यालय निर्मितीकरिता प्रभारी अधिष्ठाता डॉ. शैलेंद्र जाधव यांची नियुक्ती केली आहे.
यासंदर्भात वैद्यकीय शिक्षणमंत्री अमित देशमुख यांनी आढावा बैठक आयोजित करण्यात केली होती. या बैठकीस उच्च तंत्र शिक्षणमंत्री उदय सामंत, व्हिडिओ कॉन्फरन्सिंगव्दारे रत्नागिरी – सिंधुदुर्ग जिल्ह्रयाचे खासदार विनायक राऊत व रत्नागिरी, सिंधुदुर्ग जिल्हाधिकारी उप्रस्थित होते.
या महाविद्यालयासाठी आवश्यक जागा निश्चित केली जावी. भारतीय आयुर्विज्ञान प्ररिषद / राष्ट्रीय वैद्यक प्ररिषद यांच्या मानकानुसार शासकीय वैद्यकीय महाविद्यालय व रुग्णालय निर्माण करण्याच्या दृष्टीने शासनाकडे पाठपुरावा करुन जागा हस्तांतरण करणे, आरोग्यसेवेबरोबर आवश्यक असलेले सामजस्य करार करणे आदी कामे शिघ्र गतीने होण्याकरिता प्रभारी अधिष्ठाता नियुक्ती करण्याचा निर्णय घेण्यात आला आहे.
यासाठी शरिररचनाशास्त्र, शासकीय वैद्यकीय महाविद्यालय, कोल्हापूर येथील विभागप्रमुख प्राध्याप्रक डॉ. शैलेंद्र जाधव यांची नियुक्ती करण्यात आली आहे. जिल्हा सामान्य रुग्णालय, रत्नागिरी येथे प्रस्तावित शासकीय वैद्यकीय महाविद्यालयाकरिता निर्माण केलेल्या कार्यालयात उप्रस्थित राहण्यासाठी 23 ऑक्टोबर रोजी पासून प्रभारी अधिष्ठाता म्हणून त्यांची नियुक्त करण्यात आल्याचे प्रत्र ही तातडीने जारी करण्यात आल्याचे सांगण्यात आले.
