यापुढे निजदसोबत युती नाही : सिद्धरामय्या

बेंगळूर : सहकारी संघांची निवडणूक चिन्हांवर होत नाही, तर स्थानिक पातळीवर युती केली जाते. त्यामुळे यापुढे कोणत्याही निवडणुकीत निजदसोबत युती करणार नाही, असे माजी मुख्यमंत्री सिद्धरामय्या यांनी स्पष्ट केले. म्हैसूरमध्ये ते पत्रकारांशी बोलत होते. म्हैसूर दूध संघाच्या निवडणुकीतील युतीबाबत प्रतिक्रिया देताना सिद्धरामय्या म्हणाले, दूध संघाची अथवा कोणतीही निवडणूक असो यामध्ये काँग्रेस निजदशी युती करणार नाही. आम्ही माजी मुख्यमंत्री कुमारस्वामींना पाठिंबा देऊ, असे सांगितले होते. मात्र, आता आम्ही त्यांना कोणताच पाठिंबा देणार नाही, असेही त्यांनी सांगितले.