कृष्णा कारखाना मतमोजणीत प्रारंभिक कल भोसलेंच्या सहकार पॅनेलच्या बाजूने
प्रतिनिधी / कराड
रेठरे बुद्रुक येथील यशवंतराव मोहिते कृष्णा सहकारी साखर कारखान्याच्या मतमोजणीस प्रारंभ झाला आहे. प्रारंभिक कलांमध्ये विद्यमान अध्यक्ष डॉक्टर सुरेश भोसले यांच्या जयवंतराव भोसले सहकार पॅनेलला आघाडी मिळाल्याचे दिसत आहे. पहिल्या फेरीत 1 ते 74 या क्रमांकाच्या मतदान केंद्रावरील मतमोजणीस प्रारंभ झाला आहे. ही मतदान केंद्रे प्रामुख्याने कराड तालुक्यातील आहेत. या केंद्रांवर भोसले गटाला आघाडी मिळाल्याचे दिसत आहे या निवडणुकीमध्ये क्रॉस व्होटिंगची चर्चा मोठ्या प्रमाणात रंगली होती. मात्र सभासदांनी पॅनल-टू-पॅनल मतदान केल्याचे दिसत आहे. प्रत्येक मतदान केंद्रावर सहकार पॅनेलला जादा मते मिळाल्याचे दिसत आहे. त्यानंतर संस्थापक पॅनल तर तिसर्‍या क्रमांकावर रयत पॅनल असल्याचे दिसत आहे.
