ऑनलाईन टीम / मेक्सिको सिटी :
मेक्सिकोत कोरोनाबळींच्या संख्येने 1.15 लाखांचा टप्पा गाठला आहे. या देशात आतापर्यंत 12 लाख 67 हजार 202 जणांना कोरोनाची बाधा झाली आहे. त्यामधील 1 लाख 15 हजार 099 रुग्णांचा कोरोनाने बळी घेतला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
मंगळवारी या देशात 5930 नवे कोरोना रुग्ण आढळून आले. तर 945 जणांचा मृत्यू झाला. 12.67 लाख रुग्णांपैकी 9 लाख 38 हजार 089 रुग्ण या आजारातून पूर्णपणे बरे झाले असून, त्यांना डिस्चार्ज देण्यात आला आहे. 2 लाख 14 हजार 014 रुग्ण उपचार घेत आहेत. त्यामधील 3778 रुग्णांची प्रकृती चिंताजनक आहे.
कोरोना रुग्णवाढीच्या संख्येत मेक्सिको जगात तेराव्या क्रमांकावर आहे. तर कोरोनाबळींच्या संख्येत या देशाचा चौथा क्रमांक लागतो. येथे आतापर्यंत 32 लाख 35 हजार 890 नमुन्यांची कोरोना चाचणी करण्यात आली आहे.
