आटपाडी / प्रतिनिधी
राज्याचे महाविकास आघाडी सरकार मुंबई आणि इतर राज्य यांच्यामध्ये कोरोना उपाययोजना करताना भेदभाव करत आहे. स्वतः मुख्यमंत्री राज्याऐवजी मुंबईतील उपाययोजनांना प्राधान्य देत आहेत, असा आरोप भाजपचे प्रवक्ते आमदार गोपीचंद पडळकर यांनी केला. त्याच वेळी मुख्यमंत्री उद्धव ठाकरे यांना पत्र लिहून तुम्ही राज्याचे मुख्यमंत्री आहात की फक्त मुंबईचे ? असा सवाल आमदार पडळकर यांनी केला आहे.
मुख्यमंत्र्यांना लिहिलेल्या पत्रात आरोग्य विभागाने 11 मेपर्यंत राज्यातील वाढणाऱ्या रुग्ण संख्येबाबत दिलेली आकडेवारी आणि उपाययोजना यावर बोट ठेवत आमदार गोपीचंद पडळकर यांनी मुख्यमंत्र्यांसह महाविकास आघाडी सरकारवर टीका केली आहे.
