वार्ताहर / म्हैसाळ
गेले १५-२० दिवसांपासून मिरज पूर्व भागात मुसळधार पाऊस पडला असुन यामुळे अनेक ठिकाणी ओढे नाले दुथडी भरून वाहत आहेत. परीणामी अनेक ठिकाणचे शेती व रस्ते उध्द्वस्थ झाले आहेत. दरम्यान बोलवाड ता. मिरज येथील मिरज पंढरपूर रेल्वे पुलाखाली मोठ्या प्रमाणात पाणी साचले असल्याने तासगांव – विजापूर रस्ता वाहतुकीसाठी बंद झाला आहे. शिवाय याठिकाणी सातत्याने पाणी साचलेने छोट्या तलावाचे स्वरूप आले आहे.
सतत च्या या घटनेमुळे भविष्यात रेल्वे पुलाला धोका निर्माण होऊ शकतो. याची वेळीच दखल घ्यावी अशी मागणी वाहतूक दारातून होत आहे. शिवाय या मार्गावरील वाहतूक मंगळवार पासून बंद आहे.
