प्रतिनिधी / मिरज
मिरज-कोल्हापूर रस्त्यावर दोन कारची समोरासमोर धडक होऊन कार चालक अमोल परीट ( रा. मानगाव जि. कोल्हापुर ) ठार झाला. गुरुवारी दुपारी मिरज-कोल्हापूर रस्त्यावरील राजपूत रॉयल कार्यालयाजवळील पेट्रोल पंपासमोर हा अपघात झाला. तसेच या अपघातात अन्य तिघे जण जखमी झाले असून त्यांच्यावर सांगलीच्या शासकीय रुग्णालयात उपचार सुरू आहेत. याबाबत पोलिसात नोंद झाली आहे.
गांधीनगरमधून तिघे कपडे व्यापारी मिरजेत वसुलीसाठी (एम.एच.९ इ.के.४६७२ ) या क्रमांकाची कार घेवून मिरजेकडे येत होते. अंकलीफाट्यापासून काही अंतरावर आल्यानंतर मिरजेहून-कोल्हापूरच्या दिशेने भरधाव वेगाने (एम.एच.१० डी.जी.२४४४) या क्रमांकाची नेक्सानकार येत होती.
चुकीच्या दिशेने येणार्या अल्टोकारला नेक्सान कारची समोरासमोर धडक बसली. धडक इतकी जबरदस्त होती. अल्टोकारची दिशाच बदली. अल्टोकारमध्ये बसलेल्या तिघांना जोराची धडक बसली. अल्टो चालक अमोल परीट ( रा.माणगाव जि.कोल्हापूर ) व कारमधील तिघांना उपचारासाठी सांगली शासकीय रूग्णालयात उपचारासाठी नेले. तेथे उपचार सुरू असताना अल्टो चालक अमोल परीट यांचा मृत्यू झाला.
