प्रतिनिधी /मिरज
ब्रेक दि चेन अंतर्गत राज्य शासनाने लागू केलेल्या लॉकडाऊनला व्यापाऱ्यांचा विरोध आहे. गुरुवारी तिसऱ्या दिवशीही शहरातील व्यापाऱ्यांनी रस्त्यावर उतरून लॉकडाऊनला विरोध केला. किसान चौकात व्यापाऱ्यांनी एकत्र शासनाच्या विरोधात घोषणा बाजी देऊन जोरदार निदर्शने केली.
दोन दिवसांत समाधानकारक तोडगा न निघाल्यास दुकाने उघडली जातील, असा इशारा व्यापाऱ्यांनी दिला. व्यापारी संघटनेचे विवेक उर्फ बंडू शेटे, राष्ट्रवादीचे प्रसाद मदभावीकर यांनी आंदोलनाचे नेतृत्व केले. या आंदोलनात असंख्य व्यापारी सहभागी झाले.
