प्रतिनिधी / मिरज
मिरज येथील इंद्रधनू कलाविष्कार संस्थेच्या वतीने मराठी रंगभूमी दिन साजरा करण्यात आला. बालगंधर्व नाट्यगृहात रंगमंचाचे पूजन करून नटश्रेष्ठ बालगंधर्व यांच्या प्रतिमेस अभिवादन करण्यात आले. इंद्रधनू कलाविष्कारच्या सदस्यांनी “पंचतुंड” ही नांदी म्हटली. कोरोनाच्या लॉकडाऊननंतर प्रशासनाने नाट्यगृहांना मर्यादा आखून परवानगी दिली असल्याने बालगंधर्व नाट्यमंदीराचे काम लवकरात लवकर पूर्ण होवून नाट्यरसिकांसाठी ते उपलब्ध व्हावे, अशी अपेक्षा यावेळी रंगकर्मींनी व्यक्त केली.
