वृक्ष तोडीला मिरज सुधार समितीचा विरोध, महापालिकेकडून कारवाईचे आदेश
प्रतिनिधी/मिरज
मिरज-बेडग रोडवर कत्तलखान्याच्या पाठमागे आज, सोमवारी दुपारी झाडांची बेकायदेशीर कत्तल सुरु होती. मिरज शहर सुधार समितीच्या कार्यकर्त्यांनी घटनास्थळी धाव घेऊन वृक्षतोड बंद पडली. महापालिकेकडे चौकशी केली असता सदर वृक्षातोडीला परवानगी नसल्याचे सांगण्यात आले. तरीही बेकायदेशीरित्या 90 झाडांची कत्तल झाल्याचे निदर्शनास आल्याने मिरज सुधार समितीने कारवाईची मागणी केली. आयुक्त नितीन कापडणीस, उपायुक्त स्मृती पाटील यांनी कारवाईच्या नोटीस संबंधितांना दिल्या आहेत.
