डोक्यात पार घालून केला खून, मुलगा फरारी
प्रतिनिधी/मिरज
शहरातील कृपामाईच्या मागील बाजूस असणाऱ्या बायपास रस्त्यावर गोखले प्लॉट येथे घरगुती वादातून मुलाने वडिलांचा डोक्यात पार घालून खुन केल्याची घटना बुधवारी दुपारी घडली. किसन जोतिराम माने (वय 55) असे मयत वडिलांचे नाव आहे. तर खून करणारा त्यांचा मुलगा विजय किसन माने (वय 33 रा.बायपास रस्ता, होमगार्ड प्रशिक्षण केंद्र जवळ, मिरज) हा फरार झाला आहे.
बुधवारी दुपारी साडेतीन वाजता वडील किसन माने आणि मुलगा विजय माने यांच्यात किरकोळ वाद झाला. त्या वादातूनच त्याने वडिलांच्या डोक्यात पारेचे दोन घाव घातले. वर्मी घाव लागल्याने त्यांचा जागेवरच मृत्यु झाला. घटनेची माहिती मिळताच पोलीस उपअधीक्षक अशोक वीरकर, महात्मा गांधी चौक सहायक पोलीस निरीक्षक रविराज फडणवीस, यांच्यासह पोलीस पथकाने धाव घेत पंचनामा केला. मृतदेह शवविच्छेदनासाठी मिरज शासकीय रुग्णालयात पाठविला आहे.
