वार्ताहर/कुंभोज
लॉकडाऊनच्या काळात किराणा माल दुकानातून चढ्या दराने मिरचीची विक्री होऊ लागली. ग्रामीण भागात मिरचीचे दर भडकल्याने ग्राहकवर्गात नाराजी व्यक्त होऊ लागली आहे.
सध्या लाल मिरचीचे दर वाढले आहेत. ग्रामीण भागात चढ्या दराने मिरचीची विक्री केली जाते. खासगी किराणा माल दुकानदार मिरचीतून ग्राहकांची लुट करू लागले आहे. ग्रामीण भागात बेडगी, संकेश्वर, लाल मिरची एक नंबर प्रतिकिलो ३५० रुपये, दोन नंबर ३३० रूपये, तीन नंबर ३०० रूपये, तिकट मिरची २२० रुपये, अशा दराने विक्री होऊ लागल्याने महिला वर्गातून संताप व्यक्त होत आहे.
