मालवण / प्रतिनिधी:-
मालवण येथील शासकीय तंत्रनिकेतन मध्ये अंतिम वर्षात शिकणाऱ्या २४ विद्यार्थ्यांची कॅम्पस मुलाखती द्वारे विविध नामांकित कंपन्यांमध्ये निवड झाल्याची माहिती संस्थेचे प्राचार्य डॉ. सुरेश पाटील यांनी दिली. पुणे येथील वाहन उद्योगातील अग्रगण्य बजाज ऑटो कंपनी मध्ये इलेक्ट्रिकल-४, इलेक्ट्रोनिक्स-०२, तसेच मेकॅनिकलच्या १२ विद्यार्थ्याची निवड झाली. अथर्व इंडस्ट्री इंडिया प्रा.लिमिटेड वाई सातारा या कंपनी मध्ये इलेक्ट्रिकल-०१ , इलेक्ट्रोनिक्स-०२ तसेच मेकॅनिकलच्या ०१ विद्यार्थ्याची निवड झाली आहे.
सद्यस्थितीमध्ये विविध नामवंत कंपन्या बजाज ऑटो पुणे, जनरल इलेक्ट्रीकल मुंबई, फिलिप्स हेल्थकेअर पुणे, लार्सन टुब्रो मुंबई,अदानी इलेक्ट्रिकल मुंबई, स्मिथ डीटेक्शन सिस्टीम प्रायव्हेट लिमिटेड मुंबई, ह्या कंपन्यानी ऑनलाइन पद्धतीने नियुक्तीसाठी भाग नोंदलेला आहे. महाराष्ट्रातील एकमेव अशा फूड टेक्नॉलॉजी विभागातील २ विद्यार्थ्यांची मुंबई येथील व्ही बडेकर अँड सन्स प्रायव्हेट लिमिटेड या कंपनीमध्ये निवड झाली आहे.
