मुंबई \ ऑनलाईन टीम
मुंबई-राज्याचे माजी आरोग्य मंत्री डॉ. दीपक सावंत यांची कोरोना चाचणी पॉझिटिव्ह आली आहे. मागच्या आठ दिवसांत त्यांच्या संपर्कात आलेल्यांनी कोरोना चाचणी करावी असे आवाहन त्यांनी केले आहे. पालिकेकडून पॉझिटिव्ह असल्याचा फोन आल्यानंतर अंधेरी पूर्व येथील क्रिटीकेअर हॉस्पिटलमध्ये ते दाखल होणार आहेत.
डॉ. दीपक सावंत यांनी कोविशिल्ड लसीचे दोन डोस घेतले आहेत. 16 जानेवारी व दि. 16 फेब्रुवारी रोजी कोरोना प्रतिबंधक कोविशिल्ड लसीचे डोस घेतले होते. एका महिन्यापूर्वी त्यांच्या शरीरात 268 अँटीबॉडीज होत्या. तरी पुन्हा कोरोनाची लागण झाल्याने बूस्टर डोस घेण्याच्या आवश्यकते बाबत आयसीएमआरने निकष ठरवणे गरजेचे असल्याचे मत त्यांनी व्यक्त केले आहे.
कोरोनाच्या पहिल्या आणि दुसऱ्या लाटेत त्यांनी कोरोनावर अभ्यासपूर्ण लिखाण केलं आहे. मळम कोरोनाची या पुस्तकाचा प्रकाशन सोहळा राज्याचे मुख्यमंत्री उद्धव ठाकरे यांच्या हस्ते येत्या सोमवारी दि. 21 जून रोजी सायंकाळी 5 वाजता वर्षा बंगल्यावर होणार होता. मात्र सदर कार्यक्रम रद्द झाल्याचे त्यांनी सांगितले आहे.
